Azkeneko berriak

Mikro-ipuin lehiaketaren hamabigarren edizioan saritutako idazlanen zerrenda hemen duzue. Fundazio honek eta Pamiela argitaletxeak antolatzen dugu sariketa, Nafarroako Hezkuntza Departamenduaren laguntzaz. Guztira 75 zentroko 1.635 ikaslek hartu dute parte.

Aingeru Epaltzak, Inma Erreak, Ines Castiellak, Izaskun Etxeberriak, Fertxu Izquierdok eta Jon Abrilek osatu dute aurtengo epaimahaia, eta lan guztiak aztertu ondotik kategoria bakoitzeko irabazleak eta ohorezko aipamenak aukeratu dituzte.

Epaimahaikideen esanetan, “baliabide linguistikoak mugatuak direnean ere (A ereduko ikasleen kasuan, esaterako), testuei ateratzen dieten zukua azpimarratzekoa da”. “Iparraldeko gaztetxoen idazkien goxotasuna eta hegoaldekoen punkitasuna nabarmendu dute, baita batzuek eta besteek oinarri hartutako erreferentzien ezberdintasunak ere”.

Partaidetza nabarmentzeaz gain, epaimahaiak lanen kalitatea goraipatu du bere deliberoa: "aurtengo ipuinek kalitatean gora egin dute orohar eta zailago egin zaigu bazterrean zein idazlan utzi ere”. Aurten sail guztietan eman dituzte sariak epaimahaikideek.

Saritutako ipuinak

D ereduko Lehen Hezkuntza

• Lehen saria: “Tximeletaren maitemintzea”. Eneko Etxeberria Osua. Ricardo Baroja I.P. (Bera). maila.

Ohorezko aipamenak:

• “Supersagua”. Mikel Maiza Lesaka. San Fermin Ikastola (Zizur Txiki).
• “Aulki baten bizitza”. Imanol Vaya. Argia Ikastola (Tutera).
• “Arantzako istorioa (egizko istorioa)”. Aimar Arandia Elizondo. Ricardo Baroja I.P. (Bera)

D ereduko Bigarren Hezkuntza

• Lehen saria: “Pintza gorriak”. Irantzu Zozaia Morras. Jaso Ikastola (Iruñea).

Ohorezko aipamenak:

• “Itxurak”. Ayax Redin Vega. Alaitz BHI (Barañain).
• “Txuletak”. Unax Sanchez Ulibarrena. Alaitz BHI (Barañain).
• “3. kontsulta”. Jagoba Aranbarri. Argia Ikastola (Tutera).

A ereduko Lehen Hezkuntza

• Lehen saria: “Arratoi bat izoztuta”. Amaia Izco Tormo. San Pedro ikastetxea (Mutiloa).

Ohorezko aipamenak:

• “Nire astelehena”. Iker Ruiz Moreno. CPIP “Santa Vicenta Maria” (Cascante).
• “Neska eta ipuina”. Pía Latrónico Balbuena. San Pedro ikastetxea (Mutiloa).
• “Liburu magikoa”. Marina Gurpegui Lapuerta. Virgen de la Cerca (Andosilla).

A ereduko Bigarren Hezkuntza

• Lehen saria: “Aitatxi ez dago”. Irene Alexandra Males Pinto. Lekaroz BHI (Lekaroz).

Ohorezko aipamenak:

• “Ama?”. Marta ezpeleta Barricarte. Gurutze plaza BHI (Iruñea).
• “Aitzakiarik zaharrena”. Francisco Gutierrez. Lekaroz BHI (Lekaroz).
• “Ilargira malgukian”. Nerea Molinero Sosa. Elortzibar BHI (Noain).

Iparraldeko Lehen Maila

• Lehen saria: “Mattin biper jalea”. Johane Oihenart Etxart. Arberoa ikastola (Donamartiri).

Ohorezko aipamenak:

• "Xakurra eta gizonaren txixtea". Gorka Bouix. Uhabia Ikastola (Bidarte).
• “Kontzertu sorpresa”. Uxue Montero. Urruñako ikastola (Urruña).
• “Haurra lurretik sortua”. Gexan Arotçarena. Arberoa ikastola (Donamartiri).

Iparraldeko Bigarren Maila

• Lehen saria: “Oihanaren ixtorioa”. Elaia Houguenague. Errobi Kolegioa (Kanbo).

Ohorezko aipamenak:

• ”Ardiaren kolorea”. Maialen Irigoyen. Errobi kolegioa (Kanbo).
• “Pobreen La Casa de Papel”. Kenzo Dufourd. Errobi kolegioa (Kanbo).
• “Gerlan”. Antonin Halzuet. Amikuzeko Kolegioa (Donapaleu).

Sari-banaketa ekitaldiak eta liburuaren aurkezpena

Saritutako egile bakoitzak diploma bat eta Pamiela argitaletxearen liburu sorta bana jasoko du, apirilean zehar ikastetxe ezberdinetan eginen diren ekitaldietan. Ekitaldiotan Sustrai Colina bertsolari eta idazleak hartuko du parte, aurtengo edizioko artista gonbidatu moduan. Horrezaz gain, egile hauen guztien ipuinak biltzen dituen liburuxka argitaratuko du Pamielak. Ikastetxeetan baliabide didaktiko moduan erabiltzeko moduko argitalpena da, eta ekainean aurkeztuko da, Iruñeko Liburu Azokan.